Por primeira vez en España, as carnes frescas de vacún e ovino con selo IXP únense para informar conxuntamente o consumidor acerca do significado do selo europeo de Indicación Xeográfica Protexida (IXP) e explicar as características diferenciadoras que reúnen estas carnes con respecto a outras que non contan con esta denominación de calidade IXP.
O Instituto Innovacarne pon en marcha esta campaña de promoción e comunicación cofinanciada pola Unión Europea e o Goberno de España, a través do Ministerio de Agricultura, Pesca e Alimentación, por un período de execución de tres anos, entre 2007 e 2010, e un orzamento de catro millóns oitocentos mil euros.
A través de numerosas accións en medios de comunicación, edición de folletos e publicacións, actividades divulgativas dirixidas tanto ao sector e consumidores en xeral, como a profesionais da gastronomía, elaboración de materiais gráficos informativos, etc., o Instituto Innovacarne achegará as carnes nacionais de vacún e ovino con selo IXP aos consumidores.
En definitiva, Carnes Únicas de Terras Únicas.