A campaña, dotada con dous millóns trescentos vinte mil euros, desenvólvese durante un período de dous anos entre 2006 e 2008, para fomentar o consumo de produtos ecolóxicos, ampliar os coñecementos dos consumidores en materia de Agricultura ecolóxica, informar sobre a normativa comunitaria que regula o sistema de produción ecolóxica e promover entre os operadores o interese pola utilización do logotipo comunitario.
A campaña diríxese a consumidores, axentes económicos do sector e responsables de restauración, de asociacións de consumidores, de medios de comunicación e de centros de ensino.
Como principais actuacións destacan:
- Actos de presentación en colaboración coas Comunidades Autónomas.
- Promoción en punto de venda mediante "puntos de reflexión" que facilitan información ao consumidor.
- Elaboración e distribución de directorios de operadores do sector.
- Presenza en medios de comunicación: televisión e prensa.
- Relacións públicas
- Páxina web
- Cursos e xornadas técnicas